عقلمند ڪتو
ستار پيرزادو | 1 منٽ
هڪ ڀيري هڪ عقلمند ڪتي ٻلين جو ولر ڏٺو. جڏهن هو انهن جي ويجهو پهتو، تڏهن هن ڏٺو ته ٻليون پنهنجو پاڻ ۾ مست آهن، ۽ هن ڏانهن ڏسن به نه ٿيون، تنهن ڪري هو انهن جون ڳالهيون ٻڌڻ لاءِ بيهي رهيو.
پوءِ انهن مان هڪ ٿلهي، سٻر جوان سنجيده ٻلي، اٿي ۽ سڀني تي گهري گهور وجهي چوڻ لڳي: ”ڀينرون خدا تعاليٰ کان دعا گهرو ڇو ته جڏهن پوري اعتماد سان دعا گهرنديون، تڏهن آسمان مان سچ پچ ڪوئن جي بارش ٿيندي.“
ڪتو اها ڳالهه ٻڌي پنهنجي منهن کلڻ لڳو، ۽ هنن کان منهن ڦيري هيئن چوندو هليو ويو ؛”اڙي انڌيون ۽ بيوقوف ٻليون، ڇا اهو ڪتاب ۾ لکيل ناهي، توهان کي پاڻ ۽ توهان جي ابي ڏاڏي کي ان جي پروڙ ناهي ته جڏهن خدا تعاليٰ جي عبادت ڪرڻ ۽ دعا گهرڻ سان بارش ٿيندي، تڏهن آسمان مان ڪوئن بدران هڏا وسندا آهن.؟